Үндэстнээ нэгтгэх сайдын огцрох тухай хүсэлтийг нь хүлээн авчээ

0
168

СӨҮЛ. /Yonhap/. БНАСАУ-тай харилцаа муудсантай холбоотойгоор албан тушаалаасаа огцрох тухай БНСУ-ын Үндэстнээ нэгтгэх сайд Ким Ёны гаргасан хүсэлтийг Ерөнхийлөгч Мүн Жэ Ин хүлээн авчээ. Одоогоор энэ албан тушаалыг хэн хаших нь тодорхойгүй байна.

Ким Ён Чоль Умардтай харилцах асуудлыг хариуцсан байгууллагыг өнгөрсөн оны дөрөвдүгээр сарын 8-наас хойш удирджээ. БНАСАУ Кэсон дахь хоёр Солонгосын холбоо тогтоох байрыг дэлбэлсний дараа тэрбээр Солонгос хоорондын харилцаа муудсаны хариуцлагыг өөртөө хүлээж буйгаа мэдэгдэж, үүнтэй холбогдуулан албан тушаалаасаа огцрохоо мэдэгдсэн юм. Түүнчлэн тэрбээр “Солонгосын хойгт энх тайван, хөгжил цэцэглэлтийг авчрахыг мөрөөддөг Өмнөд Солонгосын иргэдийн хүсэл, тэмүүллийг биелүүлж чадаагүйдээ” хүлцэл өчсөн юм.

Эх сурвалж: Montsame.mn

Сэтгэгдэл үлдээх