БНСУ-тай залгаа хилийн дагуух чанга яригчуудаа БНАСАУ хурааж байна

0
269

СӨҮЛ. /Yonhap/. БНАСАУ БНСУ-тай залгаа хилийн дагуу суурилуулсан хэдэн арван чанга яригчаа буулгаж байгаа тухай эх сурвалжууд мэдээлжээ.

БНАСАУ-ын Төрийн зөвлөлийн дарга Ким Жөн Ун БНСУ-д чиглэсэн цэргийн ажиллагааны төлөвлөгөөгөө хойшлуулсан тухай “KCNA” агентлаг өмнө нь мэдээлсэн юм. Солонгосын Хөдөлмөрийн намын Цэргийн төв комиссын 5 дугаар чуулганы урьдчилсан хуралдааны үеэр тэрбээр ийм шийдвэр гаргажээ.

БНАСАУ хоёр Солонгосын хилийн дагуу оршдог бүс нутгуудад суртал ухуулгын зориулалт бүхий 20 орчим чанга яригчийг байрлуулж байгаа тухай “Yonhap” агентлаг өнгөрсөн мягмар гарагт мэдээлсэн юм. 2018 онд хэлэлцээр байгуулсны дараа энэ төрлийн төхөөрөмжүүдийг хураагаад байсан юм. БНАСАУ ойрын хугацаанд өөр 20 орчим чанга яригчийг суурилуулж магадгүй тухай цэргүүд өмнө нь мэдэгдэж байжээ.

Эх сурвалж: Montsame.mn

Сэтгэгдэл үлдээх