БНСУ-д 214-н гадаадын ажилтан коронавирусийн халдвар авчээ

0
2871

Өнөөдөр /2020.06.26/ БНСУ-д халдварын 39-н шинэ тохиолдол бүртгэгджээ. Шинээр бүртгэгдсэн тохиолдлын 12 нь хилийн чанадаас зөөвөрлөгдөн орж ирсэн байна. Сүүлийн үед хилийн чанадаас Солонгос руу зөөвөрлөгдөн орж ирж байгаа тохиолдлууд нэмэгдэх хандлагатай байгаа юм.

Солонгос улсын засгийн газраас Пакистан болон Бангладеш улсын иргэд хилээр нэвтрэхэд хатуу хяналт тавьж эхэлж байгаа талаар мэдэгджээ. Учир нь хамгийн их халдвар тээж Солонгос улсын хилээр нэвтэрсэн улсаар Пакистан, Бангладеш, Филиппин, Индонез улсын иргэд байгаа аж. Түүнчлэн БНСУ-ын гамшгийн аюулаас урьдчилан сэргийлэх газраас нийт 11 улсын 214-н гадаад ажилтан коронавирусийн халдвар авсан нь бүртгэгдсэн талаар өнөөдөр/2020.06.26/ мэдээлэлжээ. Дээрх бүртгэгдсэн тохиолдлуудын хувьд БНСУ-д гэрээгээр ажиллаж байгаад амралтаараа нутаг буцаад эргэж БНСУ-ын хилээр нэвтэрсэн иргэд аж. Мөн нутаг буцахаасаа өмнө шинжилгээ өгөөд халдвартай гэдгээ мэдсэн гадаад иргэд ч цөөнгүй байгаа юм байна.

Солонгос мэдээ булан

WWW.MGLRADIO.COM

Сэтгэгдэл үлдээх