Солонгосын хамгийн царайлаг жүжигчний сүүлчийн хит бүтээл

0
1465

Та бүхэнд 2010 оны Солонгосын хамгийн шилдэг бүтээл болох “The Man From Nowhere” хэмээх адал явдалт киног танилцуулж байна. Тус бүтээл нь 2010 онд нээлтээ хийсэн бөгөөд найруулагчаар И Жон Бом ажиллажээ. Тухайн үедээ нийт 6,178,665 хүн үзсэн хит бүтээл юм. Анх бүтээлийн зохиол гарч байх үед Ин Жон Бом найруулагч гол дүрийг 60 гаруй насны тэтгэвэрт гарсан тусгай ажилтнаар дүрслэх бодолтой байсан хэдий ч сүүлдээ 40 гаруй насны эрэгтэй дүрээр гаргахаар шийдсэн байна. Зураг авалтын хувьд ихэнх хэсэг Бусан, Сөүл, Инчонд болжээ.

Гол дүрд Солонгосын хамгийн царайлаг жүжигчдийн нэг болох Вон Бин тоглосон ба тус бүтээл нь түүний хамгийн сүүлчийн бүтээл болжээ. Учир нь жүжигчин Вон Бин 10-н жилийн турш дахин ямар ч уран бүтээлд дүр бүтээгээгүй байна. Харин бяцхан охины дүр бүтээсэн жүжигчин Ким Сэ Рун эсрэгээ 10 жилийн хугацаанд хэдийн 18 гаруй кино, драмд дүр бүтээгээд амжжээ.

Үзэгчид киноны хамгийн онцлог хэсгээр жүжигчин Вон Бины үсээ хусдаг хэсгийг нэрлэсэн байна. Учир нь түүнийг хэчнээн царайлаг гэдгийг уг хэсгээр дамжуулан хангалттай мэдэж болох талаар фенүүд нь хэлжээ.

Киноны агуулгын хувьд тусгай ажилтан Ча Тэ Шиг эхнэр, хүүхдээ авто ослоор алдсаны улмаас сэтгэлээр унаж улмаар ажлаасаа гаран жижигхэн ломбард нээж ганцаараа чимээгүй амьдрах болжээ. Түүнд найз нөхөд байхгүй хэдий ч хөрш айлын хар тамхинд донтсон ээжтэй Суми хэмээх охинд онцгойлон сайн ханддаг байлаа. Гэвч охины ээж хар тамхи, хүний наймаатай холбоотой маш том бүлэглэлээс хар тамхи хулгайлснаас үүдэн ээж, охин хоёр барьцаалагддаг байна. Ингээд Ча Тэ Шиг ээж, охин хоёрыг олохын тулд хар тамхи, хүний наймаа, эд эрхтний наймаа гээд маш том гэмт хэргийн бүлэглэлийн эсрэг ганцаараа тэмцэж эхэлдэг аж.

Солонгос мэдээ булан

WWW.MGLRADIO.COM

Сэтгэгдэл үлдээх