БНСУ хөл хорионы дэглэмийг чангатгах 3 үе шаттай арга хэмжээг авч эхэллээ

0
1148

   БНСУ-д халдварын хоёр дахь давлагаа эхлээд байгаа энэ үед халдварын тоо бямба гарагт 62-оор нэмэгджээ. Сүүлийн өдрүүдэд шинээр бүртгэгдсэн тохиолдлууд ихэвчлэн сүм хийд, цуглаан, халуун ус, сургууль зэрэг газруудтай холбоотой тохиолдлууд байгаа аж. Харин өнөөдрийн хувьд 42 шинэ тохиолдол бүртгэгдсэн бөгөөд бүс нутгаар нь ангилбал Дэгү 2, Гёнбуг 1, Сөүл 7, Гёнги 16, Гомёг 5, Инчон 1, Бусан 1, Гённам 1, Дэжон 2(88 хоногийн дараа дахин шинэ тохиолдол бүртгэгджээ), Гванжү 4, Чонбүг 1, Чоннам 1 тохиолдол тус тус бүртгэгджээ. 

   БНСУ-ын засгийн газраас халдварын тоо олноороо нэмэгдэх болсонтой холбогдуулан гурван үе шаттай арга хэмжээ авахаа мэдэгдсэн байна. 

Эхний шатанд

Эрүүл мэндийн байгууллагаас халдвар авсан иргэдийг эмчлэх, хяналтаа байлгах бүрэн боломжтой үед хэрэгжинэ (Халдварын тоо 50 дотор)

    • Олон нийтийн үйл ажиллагаа зохион байгуулахыг зөвшөөрөх хэдий ч эрүүл мэндийн байгууллагаас гаргасан шаардлагын дагуу зохион байгуулах
    • Спортын үйл ажиллагаа зохион байгуулж болох хэдий ч үзэгчдийн тоо хязгаартай байх
    • Сургууль, цэцэрлэгийн үйл ажиллагаа хэвийн явагдана
    • Албан байгууллагын үйл ажиллагаа хэвийн явагдах хэдий ч нийт ажилчдынхаа гуравны нэгийг гэрээс нь ажиллуулах шаардлагатай

Хоёр дахь шат 

– Эрүүл мэндийн байгууллагаас халдвар авсан иргэдийг хяналтандааа байлгах боломжгүй болж бүс нутгаар ихээр тархсан тохиолдол хэрэгжинэ (Халдварын тоо 50-аас 100)

  • 50-аас дээш хүнтэй үйл ажиллагаа зохион байгуулахыг хориглох
  • Спортын үйл ажиллагааг үзэгчгүй явуулах
  • Баар, шөнийн цэнгээний газар, караоке гэх мэт газруудын үйл ажиллагааг түр зогсоох
  • Сургууль, цэцэрлэгийн үйл ажиллагааг зогсоож онлайн хичээл явуулах
  • Албан байгууллагуудын үйл ажиллагаа явагдах хэдий ч ажилчдынхаа хоёрны нэгийг гэрээс нь ажиллуулах шаардлагатай

Гурав дахь шат

– Бүс нутгаар халдвар тархахаас гадна өдөрт шинээр бүртгэгдэх тохиолдол хурдацтай нэмэгдсэн тохиолдолд хэрэгжинэ (Халдварын тоо 100-аас 200)

  • 10-аас дээш хүнтэй үйл ажиллагаа зохион байгуулахыг хориглоно
  • Спортын үйл ажиллагаа явуулахыг хориглоно
  • Баар, шөнийн цэнгээний газар гэх мэт хүний хол хөдөлгөөн ихтэй газруудын үйл ажиллагааг хаана
  • Сургууль, цэцэрлэгийн үйл ажиллагааг зогсоож амраах эсвэл онлайн хичээлийн хэлбэрт шилжинэ
  • Албан байгууллагууд цөөн тооны шаардлагатай ажилчдаа оффист ажиллуулж нийт ажилчдаа гэрээс нь ажиллуулах шаардлагатай

Солонгос мэдээ булан

WWW.MGLRADIO.COM

 

 

Сэтгэгдэл үлдээх