Солонгост харшил өдөөгч хүр эрвээхий ихэсжээ

0
186

Япон, Солонгост элбэг байдаг өрөөсгөл хүр эрвээхий ГанвонЧүнбүг, Сөүл зэрэг төвийн бүс нутгуудаар ихээр үзэгдэх болжээ. Өрөөсгөл хүр эрвээхий нь өндөгнөөсөө хавар таван сард гардаг бөгөөд таван сараас зургаан сарын дунд үе хүртэл залуу модны навч, нахиагаар хооллодог аж. Мөн тус эрвээхий нь эр, эмээсээ шалтгаалаад хэмжээгээрээ 40-өөс 50 мм урттай бөгөөд үсэрхэг биетэй ажээ. Түүнчлэн тус эрвээхийн биед хүрсэн тохиолдолд харшил өгч загатнах, тууралт өгөх шинж тэмдэг илэрдэг байна.

Ялангуяа энэ жил ууланд гарахад тун хүндрэлтэй байгаа ажээ. Учир нь уулын зам тэр чигтээ тус өрөөсгөл хүр эрвээхийгээр дүүрсэн байна. Солонгосын үндэсний цэцэрлэгт хүрээлэнгийн ажилчид болон сайн дурын ажилчид  уулын зам дагуу наалдсан эрвээхийг буулгах ажлыг өдөр бүр хийж байгаа юм. Иргэдийн хувьд хор цацах талаар хэд хэдэн удаа гомдол санал өгч байгаа хэдий ч үндэсний цэцэрлэгт хүрээлэнгийн зүгээс хор цацах нь бусад амьтад болон байгальд хор нөлөөтэй гэж үзэж байгаа ажээ.

Солонгос мэдээ булан

WWW.MGLRADIO.COM

Сэтгэгдэл үлдээх