Солонгос залуусын мөрөөдлийн бүсгүй 49 нас хүрчээ

0
1629

Солонгосын алдартай жүжигчдийг цувралаар танилцуулж байгаа билээ. Энэ удаа “Дэ Жан Гум” олон ангит киногоор танил болсон жүжигчин И Ён Э-гийн ажил, амьдралын талаар танилцуулж байна.

Жүжигчний замнал 

Жүжигчин И Ён Э нь 1971 оны 1 сарын 31-нд төрсөн бөгөөд энэ жил 49 настай аж. Тэрээр 1990 онд анх Orion хэмээх шоколадны сурталчилгаанд тоглож урлагийн ертөнцөд анх хөл тавьжээ. Дараа нь Amore Pacific хэмээх гоо сайхны брендийн нүүр царайгаар ажиллаж эхэлснээр Солонгос залуусын мөрөөдлийн бүсгүй хэмээгдэж эхэлсэн байна.

Ингээд 1993 онд анхны олон ангит кинонд дүрээ бүтээж 2000 оны эхэн хүртэл 10 гаруй драмд тогложээ. Харин түүний 1997 онд тоглосон “Бурхны хүслээр” хэмээх уран сайхны кино маш муу үнэлгээ авч хэсэг хугацаанд нэг ангит кинонд тоглоогүй байна. Гэсэн хэдий ч түүний 2000 онд тоглосон бүтээлүүд тун амжилттай болж үзэгчдээс өндөр үнэлгээ авч чаджээ. Гэвч түүнийг жинхэнэ утгаар алдрын оргилд хүргэсэн бүтээл бол “Дэ Жан Гум” хэмээх түүхэн драма байсан бөгөөд тус олон ангит кинонд гол дүр бүтээснээр Солонгос төдийгүй олон улсад танигдсан байна.

Мөн тус бүтээлийн дараа 2005 онд Пак Чан Үг найруулагчийн “Sympathy For Lady Vengeance” хэмээх бүтээлд гол дүр бүтээснээр улам их амжилт олж “The Blue Dragon Award”-аас шилдэг эмэгтэй дүрийн шагнал хүртжээ. Тэрээр одоогоор нийт 20 гаруй олон ангит кино болон найман бүрэн хэмжээний кинонд дүр бүтээсэн байна.

Хувийн амьдрал 

Жүжигчин И Ён Э 2009 оны 8-р сарын 24-нд өөрөөсөө 20 насаар ах Солонгос гаралтай АНУ-ын иргэн бизнесмен Жон Ху Ёнтой Хавайд хуримаа хийж 2011 онд хоёр ихэр хүүхэдтэй болжээ. Түүний нөхөр өдгөө 69 настай аж.

Уран бүтээл

Тэрээр хамгийн сүүлд 2019 оны 11-р сарын 27-нд нээлтээ хийсэн “Bring Me Home” хэмээх кинонд гол дүр бүтээсэн бөгөөд түүний 14-н жилийн дараах тоглосон бүрэн хэмжээний кино учир тухайн үедээ үзэгчдийн хүлээлтийг багагүй үүсгэжээ. Киноны хувьд 6 жилийн өмнө алга болсон хүүгээ хайж буй ээжийн талаар өгүүлдэг аж. 

Солонгос мэдээ булан

WWW.MGLRADIO.COM

Сэтгэгдэл үлдээх