Солонгосын триатлоны шигшээ багийн тамирчин амиа хорложээ

0
1530

БНСУ-ын триатлоны шигшээ багийн тамирчин Чой Сүг Хён(22настай) 6-р сарын 26-ны өдөр амиа хорложээ. Тэрээр өмнө нь харьяалагдаж байсан багийн эмч, тамирчдад байнга дээрэлхүүлж, зодуулж байсан бөгөөд нас барахаасаа өмнө ээжрүүгээ “Ээжээ хайртай шүү. Намайг ийм байдалд хүргэсэн хэрэгтнүүдийг бүгдийн илчлээрэй” хэмээх мессеж үлдээсэн байна.

Чой Сүг Хён тамирчин 2016 оноос эхлэн Гёнжү хотын багт харьяалагдан дасгал сургуулилт хийж эхэлсэн бөгөөд тухайн үеэс эхлэн сэтгэл санааны гүн дарамтад орж байнга хараалгуулж, зодуулж байжээ. Мөн 2019 оны 3 сард Шинэ Зеландад болсон тэмцээний бэлтгэлийн үеэр багийн эмч Чой Сүг Хён тамирчинд хүч хэрэглэж зодож байгаа бичлэг ил болсон байна. Чой тамирчны аав “Охиныгоо ямархуу нөхцөлд дасгал сургуулилт хийж байсныг нь сонсоод үнэхээр сэтгэл өвдсөн” хэмээжээ. Түүнчлэн Чой тамирчин өөрт тохиолдсон бодит явдлуудыг өдрийн тэмдэглэлдээ бичиж үлдээсэн байна.

Ингээд тэрээр энэ оны эхээр харьяалагдаж байсан багаа өөрчилж өнгөрөгч 3 сард өмнө нь харьяалагдаж байсан багийн эмч болон хоёр тамирчны эсрэг цагдаад гомдол гаргажээ. Гэсэн хэдий ч хэрэгтнүүд өөрсдийн хийсэн үйлдлээ үгүйсгэж чадварлаг өмгөөлөгч нар хөлсөлсөн байна. Улмаар Чой тамирчин энэ маргаанд ялж чадахгүйгээр барахгүй хэрэг хийсэн хүмүүс хариуцлага хүлээхгүй нь хэмээн найзууддаа хэлж байжээ. Ингээд удалгүй тэрээр ээждээ мессеж үлдээн харамсалтайгаар амиа хорлосон байна.

Солонгос мэдээ булан

WWW.MGLRADIO.COM

Сэтгэгдэл үлдээх