33 жилийн дараа баригдсан цуврал хүн амины хэрэгтэн нийт 15 хүний аминд хүрсэн байжээ

0
509

Солонгосын хамгийн алдартай цуврал хүн амины хэрэг болох Хвасон хотын цуврал хүн амины хэргийн хэрэгтэн 33 жилийн дараа буюу 2019 оны сүүлээр илэрч хэрэгтний талаарх мөрдлөг дахин эхэлсэн билээ. Тэгвэл тус хэргийн мөрдлөг өнөөдөр /2020.07.02/ албан ёсоор дууссан талаар Солонгосын цагдаагийн ерөнхий газраас мэдэгджээ. 1980-аас 1990 оны хооронд 10-аас 70 насны нийт 10-аад эмэгтэйн аминд хүрсэн хэмээн буруутгагдаж байсан И Чүн Жэ нь үнэндээ нийт 15 эмэгтэйн аминд хүрч 9 удаагийн хүчингийн хэрэг хийсэн болох нь тодорхой болжээ. Тэрээр 1987 оны 12 сард гарсан Сүвоны сургуулийн сурагчийн аминд хүрсэн хэрэг, 1989 оны 7 сард Хвасон хотын бага сургуулийн сурагчийн сураггүй алга болсон хэрэг, 1991 оны 1 сард Чонжү хотын сургуулийн сурагчийн аминд хүрсэн хэрэг, 1991 оны 3 сард Чонжү хотын иргэний аминд хүрсэн гээд нийт дөрвөн хэргийг нэмж үйлдсэн нь илэрсэн байна. Тэрээр одоогоор 1994 оны 1 сард эхнэрийнхээ дүүгийнх нь аминд хүрсэн хэргээр Бусаны шоронд хоригдож байгаа юм. Харамсалтай нь тус цуврал хүн амины хэргийн хөөн хэлэлцэх хугацаа дууссан учир түүнд нэмж ял төлөвлөх боломжгүй ажээ.

Солонгос мэдээ булан

WWW.MGLRADIO.COM

Сэтгэгдэл үлдээх