КИНО: Солонгосын хамгийн алдартай хайр дурлалын кино

0
152

Та бүхэнд бодит явдлаас сэдэвлэсэн болон хамгийн их хүн үзсэн Солонгос уран сайхны киног танилцуулж байгаа билээ. Энэ удаа Солонгосчуудын үзэх дуртай хайр дурлалын төрлийн “The Classic” хэмээх бүтээлийг танилцуулж байна. Тус бүтээл нь 2003 онд нээлтээ хийсэн бөгөөд үзэгчдээс багагүй өндөр үнэлгээ авсан бүтээл юм. Киноны гол дүрд Солонгосчуудын анхны хайр хэмээгддэг жүжигчин Сун Еэ Жин тогложээ. Харин эрэгтэй гол дүрүүдийг мөн л Солонгосын хамгийн царайлаг залуус болох Жу Ин Сон болон Жу Сын Ү нар бүтээжээ.

Киноны үйл явдал

Их сургуулийн оюутан Жи хэ шинээр нүүж орсон гэрээсээ ээжийнхээ нандигнаж байсан хайрын захиаг олж уншсанаар киноны үйл явдал эхэлдэг байна. Жи Хэ-гийн ээж Жү Хи залуудаа Жүн Ха хэмээх залууд хайртай байсан хэдий ч гэр бүлийн эсэргүүцлийн улмаас хайр сэтгэл нь бүтэлгүйтэж хайртай залуугаасаа салжээ. Киноны эхний хэсэг 1960-аад онд өрнөж Жи Хэ-гийн ээжийнх нь хайр дурлалыг түлхүү харуулдаг бол хоёрдугаар хэсэгт 30 жилийн дараа буюу одоо цагт Жи Хэ-гийн хайр дурлал хэрхэн өрнөж байгаа талаар өгүүлдэг байна.

Киноны тухай

Тус бүтээл нь кино шүүмжлэгчдийн зүгээс эхний хэсэг тун ойлгомжтой байсан хэдий ч хоёрдугаар хэсгээс Жу Ин Сон жүжигчний тоглосон ихэнх хэсгийг хассанаар тун ойлгомжгүй болсон хэмээн шүүмжлэл хүртжээ. Учир нь гол дүрийн Жу Ин Сон жүжигчний жүжиглэлт муу болсон хэмээн түүний тоглосон ихэнх хэсгийг хасжээ. Үүгээр ч барахгүй киноны нээлтийн үеэр жүжигчин Жу Ин Сон өөрийнх нь тоглосон хэсэг бүхэлдээ хасагдсан болохыг анх удаа мэдсэн байна. Тухайн үед Жу Ин Сон жүжигчин царайлаг жүжиглэлт сайтай хэмээн эд алдаршиж байсан үе бөгөөд киноны гол дүрийг бүтээсэн бусад жүжигчид үзэгчдээс сайшаал хүртэж байхад харамсалтай нь жүжигчин Жу Ин Сон уг бүтээлээс үүдэн багагүй шүүмжлүүлсэн байна.

Киноны дуу

Уг бүтээлийн гол дуу болох “Me to you, You to me” хэмээх бүтээл тухайн үедээ багагүй алдартай болж одоо ч Солонгосчуудын сонсох дуртай дуунуудын нэг болжээ.

Солонгос мэдээ булан

WWW.MGLRADIO.COM

Сэтгэгдэл үлдээх