Маск зүйлгүй нийтийн тээврийн хэрэгсэлд суусан иргэнд торгуулийн арга хэмжээ авна

0
125

БНСУ-д тээврийн хэрэгсэлд суухдаа заавал маск зүүх журам хэрэгжээд багагүй хугацаа өнгөрчээ. Мэдээж иргэдийн хувьд маск зүйлгүй автобус, метронд суух тохиолдол мэр сэр гарч байгаа хэдий ч зарим иргэдийн хувьд хэрүүл маргаан цаашлаад нэгнийхээ биед гэмтэл учруулсан хэрэг хүртэл гарчээ. Гванжү хотын цагдаагийн ерөнхий газраас мэдэгдэж буйгаар 5 сарын 26-ны өдрөөс эхлээд нийтийн тээврийн хэрэгсэлд суухдаа маск зүүх журам хэрэгжиж байгаа бөгөөд өнөөдрийг хүртэл цагдаагийн 112 утсанд маск зүүгээгүй нийтийн тээврийн хэрэгсэлд суусан иргэдийн талаарх нийт 49-н дуудлага ирсэн байна. Эдгээрийн 38-н автобусанд маск зүүгээгүй бол 9-н таксинд суухдаа маск зүүгээгүй байна. Харин үлдсэн 2 тохиолдол метронд маск зүүгээгүй иргэдийн талаарх дуудлага байжээ. Цагдаагийн газраас дээрх 49-н тохиолдлын 4-д нь хэрэг үүсгэн шалгаж байгаа юм. Учир нь дөрвөн тохиолдлын хоёр нь бусдад хүч хэрэглэсэн бол үлдсэн хоёр нь бусдын ажилд саад учруулж, сүрдүүлсэн байна. Энэ мэт тээврийн хэрэгсэлд маск зүүхгүй байгаа иргэдийн талаар дуудлага цагдаагийн газарт тасрахгүй байгаа тул тус хотын зүгээс өнөөдөр /2020.07.06/ маск зүйлгүй нийтийн тээврийн хэрэгсэлд суусан иргэн дараа нь коронавирусийн халдвартай нь тодорхой болсон тохиолдолд 3 сая хүртэлх воны торгууль төлөх болсон талаар мэдэгджээ.

Солонгос мэдээ булан

WWW.MGLRADIO.COM

Сэтгэгдэл үлдээх