Хууль бусаар оршин сууж байсан Монгол иргэн архины газар агсан тавьжээ

0
856

Гванжү Гвансан цагдаагийн газраас бусдад хүч хэрэглэж, бусдын эд хөрөнгөнд халдсан хэргээр БНСУ-д хууль бусаар амьдарч байсан Монгол Улсын иргэн А-г баривчилсан талаар мэдээлжээ. А нь 6-р сарын 25-ны оройн 20 цаг 10 минутын үед Гванжү Гвансан дүүрэгт байрлах архины газарт агсан тавьж, болиулах гэсэн зөөгч болон тухайн газраар үйлчлүүлж байсан бусад иргэдийн биед гэмтэл учруулжээ. Мөн хэргийн газарт очсон цагдаагийн ажилтны биед халдсан байна. А цагдаагийн газарт мэдүүлэг өгөхдөө “Ажиллаж байсан газраасаа цалингаа авч чадалгүй бухимдалтай байсан учир ийм хэрэг үйлдсэн” гэжээ. Цагдаагийн газраас А-гын хэргийг шалгаж дуусгаад цагаачлалын албанд хүлээлгэж өгөхөө мэдэгдсэн байна.

Эх сурвалж: SBS NEWS

WWW.MGLRADIO.COM

Сэтгэгдэл үлдээх