Үүнийг ОУВС-ийн хямралтай харьцуулж болохгүй

0
491

Хөдөлмөрийн хөлсний доод хэмжээг тогтоох хорооны дарга Пак Жун Сик “Энэ бол хэцүү шийдвэр байлаа” гэж 14-ний өглөө хэвлэлийн бага хурал дээр хэллээ.

Ирэх жилийн хөдөлмөрийн хөлсний доод хэмжээ 1.5% -иар нэмэгдэж 8720 вон болно. 1.5%-ийн өсөлт нь 1988 оны хөдөлмөрийн хөлсний доод хэмжээг нэвтрүүлснээс хойшхи 33 жилийн хугацаан дахь хамгийн багаар өсөж байгаа явдал юм. Дэлхийн эдийн засгийн хямралын дараа цалингийн өсөлтийн хамгийн бага нь 2010 онд (2.6% · 4110 вон) байсан бөгөөд хоёр дахь хамгийн бага өссөн нь 1999 онд (2.7% · 1525 вон) ОУВС-ийн хямрал (IMF)-ын дараа байв.

Пак Жун Сик нь энэ 13-ны шөнийн 2 цагт хийсэн хөдөлмөрийн хөлсний доод хэмжээний талаарх хурлын үр дүнгийн талаар мэдэгдэхдээ “Алс хэтээ харвал энэ нь ажлын байр болон хөдөлмөрийн зах зээл, эдийн засгаа тогтвортойгоор хамгаалан бэхжүүлэхэд чухал ач холбогдолтой хэцүү шийдвэр байлаа” гэж онцоллоо. Тэрээр энэ удаагийн хөдөлмөрийн хөлсний доод хэмжээ “ОУВС-гийн маш хүнд хямралын үеэс ч багаар нэмэгдэж байгаа талаар” хэлэхдээ ОУВС-гийн хямралын үед Солонгос хөгжиж буй орон байсан. Хөдөлмөрийн хөлсний доод хэмжээгээр цалинждаг ажилчид ихтэй, түүн дээр тулгуурласан аж үйлдвэрүүд улс орны гол салбар байсан бөгөөд цалингийн систем болон аж үйлдвэрийн бүтэц одоогийнхоос өөр байсан хэмээн хэлсэн юм.

Олон нийтийн ашиг сонирхлын төлөөх хорооны нарийн бичгийн дарга “Sookmyung” эмэгтэйчүүдийн их сургуулийн профессор Күон Сүн Вон цалингийн доод хэмжээ 1.5%иар нэмэгдэж байгаагийн шалтгааныг тайларлахдаа “Урьдчилсан байдлаар энэ жилийн эдийн засаг 0.1%, хэрэглээний үнийн индекс 0.4%, хөдөлмөрчдийн амьжиргааны төвшинг 1.0 %иар өсгөсөн үзүүлэлтийн үр дүн гэсэн юм. Энэ удаа нийтийн ашиг сонирхлын хорооноос удирдлагын цалинг 8635 вон (0.52%), ажилчидын цалинг 9110 вон (6.1%) болгохыг шаардсан боловч санал нэгдсэнгүй. Тиймээс 8720вон байхаар санал оруулсан ч мөн л БНСУ-ын Үйлдвэрчний эвлэлийн хорооны таван гишүүн бүгд эсэргүүцсэн юм.

Профессор Күон хэлэхдээ “Үүнд эдийн засгийн хямрал болон цаашид яах нь мэдэгдэхгүй эргэлзээтэй байгаа нь хамгийн ихээр нөлөөлж байгаа” гэж хэлэв. Орлого нэмэгдүүлэх нь чухал боловч хөдөлмөрийн хөлсний доод хэмжээг бодож байснаас илүүгээр нэмэх нь ажлын байрны бууралт болон хөдөлмөрчдөд нөлөөлөх сөрөг нөлөө ихтэй хэмээн үзэж байгаа гэсэн юм.

М.Бат

Сэтгэгдэл үлдээх