Солонгосд 8-р сарын 14 “хүргэлтгүй өдөр”

0
273

Солонгос улсын ерөнхийлөгч Мүн ирэх сарын 14-ний өдрийг “Хүргэлтгүй өдөр ” хэмээн зарласантай холбогдуулан ” Хүргэлтийн үйлчилгээний ажилчид эрч хүчээ сэргээж авах, амралтын өдөртэй болоход дэмжлэг үзүүлээрэй” хэмээлээ. 7-р сарын 18-ны өдөр SNS хуудсан дээр Мүн ерөнхийлөгч энэ талаар албан ёсоор мэдэгдэл хийсэн.

“Өдөр тутмын амьдралдаа хоорондын зайгаа барьцгаая” уриа маш үр дүнтэй хэрэгжих тусам хүргэлтийн үйлчилгээг сонгон үйлчлүүлэгчийн тоо эрс ихэссэнтэй холбоотойгоор уг үйлчилгээг үзүүлж буй ажилчид хэт их ядаргаанд орж, гурван ч ажилчин хэтрүүлэн ажилласны улмаас амиа алдсан тохиолдол гарсан байна. Короног даван туулахад тэргүүлэх үүрэг гүйцэтгэж буй эмнэлгийн салбарынхан болон хүргэлт үйлчилгээний ажилчдын хүч хөдөлмөрийг санаж явах хэрэгтэй гэж Мүн ерөнхийлөгч айлдав.

Хүргэлт үйлчилгээний үйлдвэрчний эвлэлийн холбоо хүргэлтийн ажилчдаа амралтын өдөртэй болгохын тулд удаан хугацааны турш хэлэлцсэний эцэст 7 сарын 17-нд нэгдсэн холбооноос зөвшөөрөн түүхэнд анх удаа 8 сарын 14-нийг “Хүргэлтгүй өдөр” хэмээн албан ёсоор зарлалаа. Хүргэлтийн үйлчилгээ нэвтэрснээс хойш анх тохиож буй үйл явдал хэмээн цохон тэмдэглэжээ.

Ардчилсан үйлдвэрчний эвлэлийн холбооноос мэдэгдсэнээр CJ, Hanjin, Lotte, Rogen зэрэг тээвэрлэлт хүргэлтийн компаниуд уг өдрийг амралтын өдөр болгосон байна. Ирэх сарын 15-ны баасан гариг нь Солонгост олон нийтийн амралтын өдөр тохиож байгаа бөгөөд “Хүргэлтгүй өдөр” болох 14-нөөс хойш нийт 4 өдөр амрах боломж хүргэлтийн үйлчилгээний ажилтнуудад тохиож байгаа юм.

Тус улсын ерөнхийлөгч “Хүргэлтийн үйлчилгээний ажилчдын хөл нь хөнгөн байж бидний гэрт хүргэгдэж буй илгээмжинд ч мөн адил сэтгэл шингэх юм. Короног бид хурдтай даван туулж байгаа, одооноос 8 сарын 14-ний ганцхан өдөр хүргэлт үйлчилгээний ажилчидаа хүлээлгүй өнгөрөөе, мөн энэ өдрийг дэмжихийг хүсэж байгаагаа иргэддээ илэрхийлэе” гэжээ.

Эх сурвалж: https://n.news.naver.com

Сэтгэгдэл үлдээх