Солонгост анх удаа ‘Устах аюултай ховордсон амьтны төрөл болох’  Пандагийн үр зулзага мэндэллээ

0
371

Өнгөрсөн 20-ны өдөр Эвэрланд паркийн Айбао болон Лобао нэртэй хоёр пандагийн дундаас охин зулзага мэндэлжээ. 16.5 см урт, 197 гр жинтэй мэндэлсэн зулзага болон эх Айбаогийн биеийн байдал сайн байна. 2016 онд Хятадын Сичуан мужаас ирсэн Айбао Лобао хоёрыг өнөөдрийг хүртэл 9.500.000 хүн үзэж, хайрлан өхөөрджээ. 

Пандагийн хээлтэх боломжтой хугацаа жилд ердөө 4 хоног байдаг тул хээлтэж зулзагалах нь тийм амар зүйл биш байна. Үүнийг бодолцон үзэж Эвэрланд Паркаас эм панданы гормоны мэдээллийг цуглуулан боловсруулж хээлтэх боломжоор хангах тусгай баг гарган бяцхан пандаг хорвоод мэндлүүлэхээр хичээн ажилласны үр дүнд байгалийн жамаар үр тогтоох ажил амжилттай болжээ.

Мөн зулзагыг эрүүл саруул өсгөх тусгай байр бэлдсэн ба нэг хэсэг үзэгчдэд шууд үзүүлэхгүй нийгмийн сүлжээгээр дамжуулан мэдээлэл хүргэнэ гэж мэдэгдлээ. 

YTN мэдээллийн сайтаас орчуулсан Ц.Болороо

БНСУ, Гёнгги аймаг    2020.07.22

Сэтгэгдэл үлдээх