Корона вакциныг 2 жилийн хугацаанд 1 тэрбум ширхэгийг үйлдвэрлэх боломжтой

0
149

Корона вакциныг 2 жилийн хугацаанд 1 тэрбум ширхэгийг үйлдвэрлэх боломжтой ба АНУ, Их Британи, Япон гэсэн улсууд 1,3 тэрбумыг аль хэдийн захиалсан.

1 тэрбум вакцин үйлдвэрлэхэд 2 жил шаардагдах бөгөөд 

өндөр хөгжилтэй орнууд 1,3 тэрбум вакциныг урьдчилан захиалсан. 

Америк аль улс түрүүлж корона вирусын вакцин гаргахыг нухацтай ажиглаж байна

Шинэ төрлийн коронавирусын эсрэг вакциныг гаргахаас өмнө АНУ, Их Британи, Япон зэрэг хөгжингүй орнууд корона вакциныг цөлмөж байна гэсэн болгоомжлол гарч байна. Хоёр жилийн хугацаанд 1 тэрбум ширхэгийг л үйлдвэрлэх боломжтой гэсэн тооцоо байгаа бөгөөд үүний 1,3 тэрбум гаруй ширхэгийг хөгжингүй орнууд урьдчилан захиалсан байна.

Ийнхүү хөгжингүй орнуудын урьдчилсан захиалгаас болж бусад улс орнууд вакцин авч чадахгүй болно гэсэн дүн шинжилгээ гарчээ. Bloomberg News 2ны өдөр АНУ, Их Британи, Япон, Европын Холбоо (ЕХ) коронавирусын вакциныг 1,3тэрбум ширхэгийг худалдаж авахаар эмийн компаниудтай гэрээ байгууллаа гэсэн Английн Airfinity зах зээлийн судалгааны компанийн мэдээллийг хүргэв.

Коронагийн вакциныг гармагц авахыг зорьж байгаа улс үндэстэн маш ихсэж байна. Корона вакциныг хамгийн идэвхтэй эрэлхийлж байгаа улс бол АНУ юм. Короно вирусын халдвар хамгийн их тархсан АНУ нь дангаараа вакцин хийхэд 8 тэрбум доллар зарцуулжээ.

АНУ-ын ерөнхийлөгч Дональд Трампын засаг захиргаа Францын эм үйлдвэрлэгч Sanofi компанид 2,1 тэрбум доллар (2.5 их наяд вон) өгч 100 сая тун захиалсан ба 500 сая тун вакциныг амжилттай хийж чадвал урт хугацааны гэрээгээр авахаар тохиролцов. АНУ AstraZeneca ба Оксфордын их сургууль хамтран боловсруулж буй вакцинаас 300 сая вакциныг мөн урьдчилан худалдаж авсан байна. Үүнээс гадна Модена, Жонсон & Жонсонтой мөн вакцин хийлгэхээр гарын үсэг зуржээ.

Европын холбоо нь Санофи компанитай 300 сая вакцин авах гэрээг хийсэн ба Япон улс өнгөрсөн сарын 31-ний өдөр Pfizer компаниас 120 сая вакциныг авахаар гэрээ хийжээ.

Асуудал нь вакцин зах зээлд гарлаа ч гэсэн дэлхийн 7.8 тэрбум хүн амд хангалтгүй юм. Дэлхийн үйлдвэрлэл 2022 оны эхний улирал хүртэл хамгийн ихдээ 1 тэрбум ширхэгийг үйлвэрлэх боломжтой ба энэ нь хөгжингүй орнуудын захиалсан хэмжээнд ч хүрэхгүй байна” гэж Bloomberg News мэдээлэв.

Зарим хөгжингүй орнууд короногийн вакцин авах гэж улаарч байгаад Солонгосын гамшгаас урьдчилан сэргийлэх төвийн эрхлэгч Квон Жун-вук харамсаж буйгаа илэрхийлэв.

Квон Жун-вук үүнд Дэлхийн эрүүл мэндийн байгууллагын идэвхтэй оролцоо шаардлагатай байна. Энэ бол хүн төрлөхтөний түүхэнд 100 жилийн дараах ​​аюулт гамшиг бөгөөд байдал улам хурцадхаас өмнө эмийн бүтээгдэхүүнийг олон нийтэд хүртээмжтэй байлгах шаардлагатай ” гэж хэлэв.

 

Солонгос ‘COVEX’-д элсэв

Корона вакциныг гаргаж авахаар зорьж байгаа шалтгаан нь маш энгийн юм. Корона вакциныг улирлын томуугийн вакцин болгон тогтмол тарих шаардлагатай байж болзошгүй юм. Их Британийн Financial Times (FT) компанийн мэдээлснээр одоогийн боловсруулж буй коронагийн вакцин нь 1 жил хүртэлх хугацаанд хүний дархлааг дэмжих бөгөөд вирусын халдвар авсны дараа үр нөлөөгүй болно гэж үзэж байнаа юм.

 

Хятад болон Орос улс короногийн вакциныг гаргахаар шуурхайлж байгаа боловч АНУ болон барууны орнууд Хятад болон Орос орнуудын вакциныг эргэлзэж байна. Америкийн харшил, халдварт өвчин судлалын үндэсний хүрээлэнгийн захирал Энтони Поуш “Корона 19”-ын талаар хийсэн саяхны хурал дээр “Америк улс Хятад болон Оросын гаргасан вакциныг ашиглах магадлал багатай” гэж мэдэгджээ.

Солонгос улс вакцины нийлүүлэлтэд ямар нэгэн саад тотгор учруулахгүй байхаар төлөвлөж байгаа боловч одоогоор вакцин хаанаас авах талаар тодорхой төлөвлөгөө байхгүй байна.

Аз болоход Солонгос нь Дэлхийн Эрүүл Мэндийн Байгууллага (ДЭМБ), Халдварт Өвчний Инновацийн Холбоо (CEPI)-тэй нэгдэж олон улсад вакциныг шударгаар нийлүүлэх ‘COVAX ‘-д бүртгэлтэй байгаа юм. ‘COVAX’-аас вакциныг нийлүүлэхээр болвол Солонгосын хүн амын 20%-д хүрэлцэх вакцинийг нийлүүлэх боломжтой. Өнөөдрийг хүртэл 78 улс ‘COVAX’ элсэх сонирхолтой байгаагаа илэрхийлжээ.

Үүний зэрэгцээ АНУ-д коронагийн вакцин ямар хүмүүст нэн түрүүнд хэрэгтэй байгаа талаар маргаан өрнөж байна. АП агентлагийн мэдээлэлснээр Эрүүл мэндийн үндэсний хүрээлэнгийн ерөнхийлөгч Фрэнсис Коллинзээс хэлснээс иш татан АНУ ирэх сарын сүүл гэхэд вакцин тараах удирдамж тогтооно гэж мэдэгджээ.

Вакцин нь эрүүл мэндийн ажилтнууд болон өвчинд нэрвэгдсэн хүмүүст нэн тэргүүнд хэрэгтэй байгаа боловч Фрэнсис Коллинз “корона вирус ихээр тархсан газруудад ч давуу эрх олгох арга замыг хайж байна” гэжээ. 

М.Бат

https://news.v.daum.net/v/20200804050151718 орчуулж хураангуйлав. 

Сөүл хот 2020-08-04

Сэтгэгдэл үлдээх