БНСУ-д Короновирусын тархалт хурдацтай нэмэгдэж нэг өдөрт батлагдсан тохиолдлын тоо 100-г давжээ

0
311

Короновирусын тархалт дахин нэмэгдэхийн хирээр нийслэл хот, төвийн бүсүүдээр шинээр батлагдсан тохиолдол түлхүү илэрчээ.

БНСУ-ын Өвчинд хяналт тавих, урьдчилан сэргийлэх төвийн мэдээлснээр 2020.08.14 –ний 00 цагийн байдлаар 103 шинэ тохиолдол бүртгэгдсэнээс 85 нь Солонгост шинээр бүртгэгдэж, 18 тохиолдол нь хилийн чанадаас зөөвөрлөгдөн орж ирсэн байна.

Сүм хийд, сургууль, түргэн хоолны дэлгүүр, худалдааны төв гэх мэт янз бүрийн газарт нэгэн зэрэг тохиолдсон тул дотоодын дэгдэлтийн хэмжээ эрс нэмэгджээ.

Шинээр батлагдсан 85 тохиолдлыг бүс нутгаар нь авч үзвэл нийслэл хот хамгийн их буюу  Сөүлд 31, Кёнгид 38, Инчонд 3, Бусан хотод 5, Чуннамд 3, Гванжу хотод 2, Гангвонд 1, Улсанд 1, Кёнбүг хотод 1 байна.

Хилийн чанадаас зөөвөрлөгдөн орж ирсэн 18 шинэ тохиолдлын 7 нь хорио цээрийн явцад батлагдсан бөгөөд үлдсэн 11 нь орон нутагт хорио цээрийн дэглэмд амьдарч байхдаа батлагдсан байна. Нийт 6 Солонгос, 12 гадаадын иргэн байна.

#MGLRADIO #МЭДЭЭ #ПОСТ

Сэтгэгдэл үлдээх