БНСУ-д сүмүүдтэй холбоотойгоор халдварын шинэ тохиолдлууд дахин хурдацтай нэмэгдэж байна

0
365

БНСУ-д өнгөрсөн амралтын өдрүүдээр Короновирусын халдвар хурдацтай тархаж 08.15-ны өдөр шинээр – 166 тохиолдол, 08.16-ний өдөр шинээр -279 тохиолдол бүртгэгдсэн бол өнөөдөр буюу 08.17-ны өдрийн 00 цагийн байдлаар шинээр 197 тохиолдол бүртгэгдсэн байна. Шинэ тохиолдлуудын 188 нь Солонгост дотроосоо бүртгэгдэж, 9 тохиолдол нь хилийн чанадаас зөөвөрлөгдөн орж иржээ.

Энэ удаагийн тархалт Сөүл (89), Кёнги (67), Инчон (9) гэх мэт төвийн бүсээр шинэ тохиолдлууд бүртгэгдэж байгаа бөгөөд өмнө нь Тэгү хотод тархаж байснаас илүү хурдацтай халдварын тохиолдлууд нэмэгдэх магадлал бий гэж үзэж байгаа юм байна.

Өнгөрсөн долоо хоногоос хамгийн олон тохиолдол илэрсэн халдварын голомтууд одоогоор Кёнги Юүнин хотод байрлах Үри Чэйл сүмээс – 128 тохиолдол,  Сөүл Сонбүг дүүрэгт байрлах Саран Чэйл сүмээс – 249 тохиолдол, Кёнги Пажү хотын Старбакс кофе шопоос – 40 тохиолдол тус тус илрээд байна.

#MGLRADIO #МЭДЭЭ #ПОСТ

Сэтгэгдэл үлдээх