Мүн ерөнхийлөгчийг огцруулах болон эрх барих намаа шүүмжилсэн хэдэн арван мянган хүнтэй том жагсаал болж өнгөрлөө

0
198

БНСУ-ын засгийн газар болон энгийн ард иргэд нь коронаг барихын тулд уйгагүй хичээж байхад, нэг хэсэг нь бурхны нэрийг ашиглан сүмийнхээ олон мянган итгэгчдээ цуглуулж улс төрийн зорилгодоо ашиглан жагсаал цуглаан хийлээ.

2020.08.15-ны өдөр сөүл жүнру дүүргийн Дунхуа дэлгүүрийн урд “Мүн ерөнхийлөгчийг огцруулах болон эрх барих намаа шүүмжилсэн” хэдэн арван мянган хүнтэй том жагсаал болж өнгөрлөө
Тэр өдөр 2 жагсаал зөвшөөрөл авсан байсан бөгөөд дээрх жагсаал нь дунхуа дэлгүүрийн урд 100-н хүнтэй жагсаал хийнэ гэж зөвшөөрөл авсан байсан ч бодит байдал дээр сүмийн итгэгчдээ эртнээс цуглуулсан байлаа.
Цуглаан зохион байгуулсан тал 1 сая хүн цугларсан гэж байгаа хэдий ч, цагдаагийн газрын мэдээгээр 20,000~30,000 хүн цугларсан гэжээ.

Энэхүү жагсаалын гол зохион байгуулагч нь Христийн холбооны дарга гэж явдаг корона одоо дэлгэрч байгаа Саран Чэил сүмийн Чон пастор болон “Мирэ Тунхаб нам” буюу өмнө нь “Хан нара нам”-г дэмжигчид ажээ.

Тэд коронатай тэмцэж байгаа энэ хэдэн сарын турш хэчнээн олон хүний хүч хөдөлмөр, үр хүүхдийнхээ хичээл зүтгэлийг баллаад байгаагаа хараахан ухаараагүй яваа.

Энэхүү тархалтаар сөүл хот болон кёнги аймагт нийгмээс зай барих зэрэглэлийг 2-р үе шат болгож чангатгалаа.

2020.08.15-ны өдөр, корона тархаад байгаа гайхал Саран Чэил сүмийн Чон Гуан Хүн пастор энэхүү жагсаал дээр майк барингуутаа маскаа аваад гараа алдлан үг хэлж байлаа.

Одоогийн байдлаар Саран Чэил сүмийн 800 итгэгчидээс шинжилгээ авсанаас 200 хүнээс нь ковид19 илэрчихээд байна.
Итгэгч нарынх нь шинжилгээ үргэлжилж байгаа учир нэмэгдэх шинжтэй байгаа.

Пак Нын Хү эрүүл мэнд халамжын яамны сайд 16-ны өдрийн 16:30 цагын хэвлэлийн бага хурал дээр саран чэил сүмийн итгэгч нарын 4-ний 1 хувь буюу 25% нь коронагийн халдвартай гарсан учир тэдний шинжилгээг хурдан авах шаардлагатай гэлээ.
Пак сайд” Засгийн газар бүхнээ зориулж шинжилгээ авч, итгэгчидийн хавьтагчдыг судалж байгаа ч, итгэгчидийн тусламж дэмжлэг оролцоо маш чухал байна” гээд сүмээс нэрсийг нь аваад 4000 хүн дотроос 3000 хүнийг тусгаарласан байгаа гэлээ. Мөн ” Ковид19 нь өндөр настануудад аюултай нэн ялангуяа 80-аас дээш насныханы хувьд нас баралт 25%-тай байгааг анхааруулж итгэгчидэд гэрээсээ гарахгүй байхыг хүслээ.

Асуудал нь 15-нд болсон олон мянган хүнтэй жагсаалд Саран Чэил сүмээс хэдэн хүн оролцсон нь мэдэгдэхгүй байна. Тиймээс нүдэнд үл үзэгдэх халдвар тархах зэрэг байдал аюултай байна.

Сараны чэил сүмээс сурвалжлага авах гэж очсон А сэтгүүлчийг сүмийн хамгаалагчид нь зодсон хэрэг гарсан бол, халуурч байгаа итгэгчдээ Чон пастор ханиадны эм авч уугаад 4-5 хоногийн дараа шинжилгээ өг гэж хэлсэн тухай мэдээ ч цацагдаад өнгөрсөн.

Чон пастор 8 сарын 3-ны өдөр 253 бүсийн сүмийн удирдагчидтайгаа хийсэн уулзалт дээрээ “8 сарын 15-ны улс төрийн жагсаалыг урьдчилан хэлж, 8 сарын 15-нд бүгд амиа золиосло. Бүхнийг дуусгая. 2 дахь удаагийн шашны шинэчлэлийг бий болгоё” гэж хэлж байжээ.

Саран Чэил сүмийн удирдагч Чон пастор нь өөрөө тусгаарлалтад байх ёстой атал түүнийгээ зөрчиж 15-ны жагсаал дээр хэлсэн үгэндээ ” Эрүүл хүнийг тусгаарлагд гэлээ би зөв зүгээр ” гараа алдлан ярьж байлаа.

Тэрээр сүмээс нь олон коронагийн халдвартан гармагц “Манай сүм террорд өртлөө” гээд буруугаа хэн нэгэн рүү чихлээ.

Хамгийн наад талын жишээ гэхэд, саран чэил сүмээс коронатай гарсан нэг итгэгч настны асрамжийн газар өдөр бүр очсон нь мэдэгдэж, 200-н хэдэн хүнтэй настны газрынхан бүхлээрээ шинжилгээнд орсон зэрэг байдал ноцтой байна.

Пак сайд “Сүм, хоолны газар, зах, сургууль зэрэг олон газрыг хамарсан тархалт орон даяар тархах гэнэтэй“-г анхааруулж байна.

Сөүл хот нь Чон пастор болон саран чэил сүмийг шүүхэд өгсөн байна.
Мөн засгийн газрын санал хүсэлтийн сайтан дээр “Чон пасторыг батлан даалтанд гаргасныг цуцлаж дахин хорих”-ыг хүссэн хүсэлт тавигдаж аль хэдийн 100,000 хүн дэмжсэн байна.
Чон пастор нь өмнө нь коронагийн ид тархаж байсан 4-н сард сөүл хот хориглосоор байтал олон мянган хүнтэй жагсаал хийж хууль зөрчин хоригдож байжээ.

Шашнаа улс төрд ашиглах ямар ноцтой үр уршигтайн том жишээ болж байгаа мэт. . .

(Мөрөөрөө онлайнаар үйл ажиллагаагаа явуулж байгаа коронаг тараахгүйг хичээж байгаа христийн сүмүүд зөндөө байгаа . Нэг үхрийн эвэр доргихоор мянган үхрийн эвэр доргино гэгчээр хичээж байгаа олон хүмүүсээ улс төр эрх ашиг харсан нь цөөнх нь харлуулж байгаа тал байж болно).

Солонгост амьдарч байгаа манайхан дор бүрнээ нүдэнд үл үзэгдэх ковид19-н тархалтаас сэргийлнэ үү!!!

Мэдээллийг Ж.Нармандах, 2020.08.17.
Эх сурвалж: Naver, daum сайтын мэдээний тойм.

#MGLRADIO #МЭДЭЭ #ПОСТ

Сэтгэгдэл үлдээх