БНСУ хөл хорионы эцсийн гуравдугаар шат руу шилжих үү?

0
1145

БНСУ –д сүүлийн өдрүүдэд Короновирус хурдацтай тархаж, зургаа дахь өдрөө 100 –аас дээш шинэ тохиолдол бүртгэгдээд байна. Өнөөдөр коронавирусээр халдварласан тохиолдол 297-оор нэмэгдэж нийт 16058-д хүрэв. Шинээр илэрсэн 297 тохиолдлын 14 нь хилийн чанадаас зөөвөрлөгдөн ирсэн байна.

Сөүл, Кёнгид байрлалтай сүмүүд, кофе шоп болон Тэгү, Кёнбуг гэх мэт газруудаар голомтлон олон тохиолдлууд илэрч байгаа учир 08-р сарын 16-наас Сөүл Кёнгид, 08-р сарын 17-ноос Пусан зэрэг хотуудад хөл хорионы хоёр дахь шатны дэглэм рүү шилжсэн билээ. Гэсэн хэдий ч цар тахлын халдварлах хүрээ нь буурах биш өсөх хандлагатай байгаа учир сүүлийн шат буюу гурав дахь шат руу шилжих эсэх талаар ярилцаж байгаа юм байна.

Хэрэв гуравдугаар шат руу шилжвэл нийгэм, эдийн засагт үзүүлэх нөлөөлөл өндөр, бэлтгэл ажил их шаардлагатай бөгөөд одоогоор судлах шаардлагатай, цаг нь болоогүй гэсэн байр суурь давамгайлж байгаа ажээ. Нийгмээс өөрийгөө тусгаарлах гуравдугаар шат нь арваас дээш хүнтэй үйл ажиллагаа зохион байгуулахыг хориглох, хөл хөдөлгөөн ихтэй газруудыг хаах, сургууль цэцэрлэгийн үйл ажиллагааг зогсоох эсвэл онлайн хэлбэрт шилжүүлэх, албан байгууллагууд цөөн тооны шаардлагатай ажилчдаа оффист ажиллуулж, нийт ажилчдаа гэрээс нь ажиллуулах гэх мэт арга хэмжээ авч зохион байгуулах шаардлагатай юм.

Гурван шатны арга хэмжээний тухайд өнгөрсөн 6-р сараас БНСУ-ын засгийн  газраас халдварын тархалт болон шинээр бүртгэгдэж буй тооноос хамааран дараах байдлаар арга хэмжээ авч байхаар болсон билээ.

Эхний шатанд

Эрүүл мэндийн байгууллагаас халдвар авсан иргэдийг эмчлэх, хяналтаа байлгах бүрэн боломжтой үед хэрэгжинэ (Халдварын тоо 50 дотор)

    • Олон нийтийн үйл ажиллагаа зохион байгуулахыг зөвшөөрөх хэдий ч эрүүл мэндийн байгууллагаас гаргасан шаардлагын дагуу зохион байгуулах
    • Спортын үйл ажиллагаа зохион байгуулж болох хэдий ч үзэгчдийн тоо хязгаартай байх
    • Сургууль, цэцэрлэгийн үйл ажиллагаа хэвийн явагдана
    • Албан байгууллагын үйл ажиллагаа хэвийн явагдах хэдий ч нийт ажилчдынхаа гуравны нэгийг гэрээс нь ажиллуулах шаардлагатай

Хоёр дахь шат 

– Эрүүл мэндийн байгууллагаас халдвар авсан иргэдийг хяналтандааа байлгах боломжгүй болж бүс нутгаар ихээр тархсан тохиолдол хэрэгжинэ (Халдварын тоо 50-аас 100)

  • 50-аас дээш хүнтэй үйл ажиллагаа зохион байгуулахыг хориглох
  • Спортын үйл ажиллагааг үзэгчгүй явуулах
  • Баар, шөнийн цэнгээний газар, караоке гэх мэт газруудын үйл ажиллагааг түр зогсоох
  • Сургууль, цэцэрлэгийн үйл ажиллагааг зогсоож онлайн хичээл явуулах
  • Албан байгууллагуудын үйл ажиллагаа явагдах хэдий ч ажилчдынхаа хоёрны нэгийг гэрээс нь ажиллуулах шаардлагатай

Гурав дахь шат

– Бүс нутгаар халдвар тархахаас гадна өдөрт шинээр бүртгэгдэх тохиолдол хурдацтай нэмэгдсэн тохиолдолд хэрэгжинэ (Халдварын тоо 100-аас 200)

  • 10-аас дээш хүнтэй үйл ажиллагаа зохион байгуулахыг хориглоно
  • Спортын үйл ажиллагаа явуулахыг хориглоно
  • Баар, шөнийн цэнгээний газар гэх мэт хүний хол хөдөлгөөн ихтэй газруудын үйл ажиллагааг хаана
  • Сургууль, цэцэрлэгийн үйл ажиллагааг зогсоож амраах эсвэл онлайн хичээлийн хэлбэрт шилжинэ
  • Албан байгууллагууд цөөн тооны шаардлагатай ажилчдаа оффист ажиллуулж нийт ажилчдаа гэрээс нь ажиллуулах шаардлагатай

#MGLRADIO #МЭДЭЭ #ПОСТ

Сэтгэгдэл үлдээх